內容簡介:同你講吓動漫界的大小事,漫畫家趣聞,電影真人版,漫畫雜誌經營之道等樣樣都有!想知一套作品可引起多大的漣渏?記著每星期收聽!
2010年4月1日 第90集 - 來吧,為演唱會而瘋
本集嘉賓:修行者 連續三場演唱會/演奏會 來吧,一起瘋狂吧 有人想靜靜地含蓄咁聽 有人想好興奮咁聽 我地應該點樣面對三月呢幾個動漫相關的演唱會?
2010年3月25日 第八十九集 - 日本都唔係好得好多咋
本集嘉賓:傑特 新番唔係人人睇,港漫更加係夕陽 但係日漫係真係陪住大家成長 不過,近十年日漫銷售額每年下降 去年更錄得單年最大跌幅 究竟所謂何事? 傑特同漫記分別都有唔同睇法 你又點睇?
2010年3月18日 第八十八集 - 搞極未完的未完之約
本集嘉賓:jimmy、felix、秀蘭、五月、所羅門 未完之約同未完之夜 搞左成六七屆都未搞完 呢個名真係改得太出色喇 今次請左一班中大動漫莊員同表演嘉賓五月同所羅門上黎分享一下呢個event 主辦單位搞成點呢? 表演者有無投訴? 咁校方又搞成點呢?主辦單位有無投訴呢?
2010年3月11日 第八十七集 - 漫畫雜誌三分天下!東立、正文、天下!
前年年底,《exam》先亡,到今年年頭,《新少年》都要變成雙周! 當大家以為細佬錢好易搵之時,《快樂龍》於1月滅亡,而有傳《lucky》都回天乏術 少女誌就獨市企硬,《comic fans》獨守市場。 究竟漫畫雜誌係咪真係咁難做?
2010年3月4日 第八十六集 - 公大漫畫課程一年後……
嘉賓:AVY (文化傳訊市場暨業務部經理) 唔覺唔覺公大同文傳搞O既漫畫文憑/証書課程已經一年亦已經開展左第四屆課程第一班畢業生亦準備畢業 文傳O既AVY今集就同我地講返佢喺呢幾屆學生之中見到D乜學生水平去到咩地步?以及以業界眼光同你講下未來畫漫畫的最大發展方向
2010年2月25日 第八十五集 - CW同人志慢慢嘆
CW咁就過去左喇 聽聞賣氣唔錯,好多人都收獲甚豐! 甚至有人盤川用盡,唔夠錢買野添!D書真係咁正?且看我地慢慢同大家嘆下同人志先
2010年2月18日 第八十四集 - 幫香港漫畫界求返支籤先
主流港漫業界: 第八籤 下下籤:崔子弒齊君 籤文曰:鳴鳩爭奪鵲巢居 賓主參差意不舒滿嶺喬松蘿蔦附且猜詩語是如何 同人界:第九十五籤中平籤:女媧煉石補天 籤文曰: 功勤一簣可成山 由少而多莫憚煩 作事畏辛今汝畫 補天煉石亦無難 且看今年又如何?
2010年2月11日 第八十三集 - 意馬跑得太快
[本台抄返黎o既資訊]意馬國際(585)宣布撤回對旗下從事動畫電影數碼制作的部門IPL作出的財務資助,並將申請清盤。 意馬國際(00585)2月9日發布公告稱,公司已撤回對從事動畫電影數碼制作的部門Imagi Production Limited(IPL)作出的財務資助,IPL合共聘用約250名僱員,除將留聘若干具備動畫制作過程所必須的系統知識及經驗的專家外,其他員工將不再獲集團聘用。因此,IPL將向香港法院申請委任臨時清盤人。 意馬曾幾何時以忍者龜風光過…… 結果小飛俠就搞到傳聞蝕左3600萬.....幾乎連一注中o既六合彩都填唔到條數咁滯 而家神勇飛鷹俠就變左硬飛鷹……飛唔起喇
第八十二集 - 點樣用動漫人物黎做文宣?
人地日本就用初音黎為手提電話回收做代言人, 香港個電子垃圾回收就無呢樣野。 香港黎黎去去唔係老夫子就係麥兜 , 其實用王小虎黎做東亞運申請代言人得唔得?
第八十一集 - 政治漫畫你點睇?
從上年支青組出政治相關同人誌, 然後加一本《五區公投》, 以及官方刊物《財政預算案》漫畫版, 最近又出一本打正旗號政治漫畫《終極對決》。 一時間,連環式政治漫畫好似無論官民,都大力以漫畫作表達媒介, 大家過咁多,又點睇呢? 同漫畫大國日本之間又有幾大距離呢?