|
|
2013年11月22日 第280集
天下無敵 九城玩完
[ PART I ] [ PART II ]
《天下無敵》第2期度門一打開，竟然見到門內有小？呢一下咪撻著咗某間公司囉，咁咪告你囉，咁咪要休刊一期囉……咁咪，會唔會再慘尐？小強~~~~~~~
《九龍城寨》終於玩完，超過130期，以咁O既畫面竟然都可以寫到咁耐，全靠個故仔！友情、熱血統統有，不過漫畫版完啫，仲有小說版繼續出！
新書《沈勝衣》點解寫好咗咁耐，竟然揀呢個下個星期出？你估下係因為下星期會出《殺手》，定係幫《天下》最後十二期做勢？
王小虎，你真係柒到核爆，不過，你柒，日本一樣有個核爆代表－－宮本武藏！
| |
|
2013年11月15日 第279集
A貨龍虎門、古惑蔣天生、回帶西城勇
[ PART I ] [ PART II ]
《天下無敵》第2期終於出版，第1期平平無奇，第2期嘩聲四起，竟然出路飛同鐵血戰士，仲要出埋仿王小龍同王小虎兩兄弟，呢D EYE CATCHING嘢自然會成為話題焦點，加埋仿風雷、仿聖上同仿邪神，你話無人覺得你係山寨龍虎門都無人信啦，結果，即使你條橋點勁都好，畫面點落功夫都好，就乜嘢都無晒喇。
《古惑仔》最古惑仲唔係蔣生？臨死都要令南哥欲仙欲死。今集，一齊分析究竟蔣生一句說話，南哥的反應係咪過激？而南哥又係咪反骨？
勇哥呢期做左回帶西，連續幾場都用回帶方法PRESENT。小龍賤，小虎更賤…點解？留意今集咬蔗幫！
| |
|
2013年11月1日 第277集
巨星殞落
[ PART I ] [ PART II ]
究竟白東方係玉郎丫、祁生定係肥老師呢？
一代黑道巨人蔣天生終於喺古惑仔廿周年以後離世，繼成功渡過古惑仔廿周年後，佢死前只有一個願望……
杜比正式向《九城》讀者道歉，並保證餘下兩期都無法改進，一如既往。
《中華英雄》果然係君子一般，劇情淡如水。而最初隻斷手同地圖，其實係同個故仔無關嘅……
《春秋》繼續出慾火，其性愛劇情，比起《火武》可能仲要多！
| |
|
2013年10月25日 第276集
九畫HEA畫睇錢畫
[ PART I ] [ PART II ]
《熱血少年》
因為九做, 所以決定第九期完, 咁下次再攪如果係第10期摺書, 會唔會係因為個攪手成日十下十下呢.....
最後所謂「謀朝篡位」, 可能只係主筆補完計劃的一張假華麗包裝紙.....
《九龍城寨》
52格可以畫到D咩???
咪係畫完左一期書囉......
《新著四大名捕》
用十九幾頁去介紹四個主角出場, 好彩劍橋老師而家係畫四大名捕, 如果係畫水滸傳咪要等到第6期先開始到個故事囉......
《新著龍虎門》
第一男主角強勢回歸, 由雪山頂趺落日本海域都唔死得, 簡直係好彩過中六合彩啦, 又點算係人生最低潮呢
| |
|
2013年10月18日 第275集
有人屌好過無人屌！
[ PART I ] [ PART II ]
《拳道》12期終於完結，去到中後段，好似完全無人提過咁……《問天》《龍虎門》再西再廢，最少都有人小兩句丫……但連提到唔提，係咪仲灰？
萬有喺《中華英雄》O既訪問，竟然講到佢整個漫畫生涯去到後期O既落泊全部都係其他人O既因素？全部都同自己無關，有心殺賊，無力回天？實在令人太意外喇……講返本書，雖然唔算好精彩，但今期司徒無量死O既一幕，真係落寞的落幕，令人心酸，而整體製作，甚至有超越《鐵將縱橫》之勢！
《石黑龍傳III》大玩量產金鐘罩，成個金鐘D人都識，例如OL金鐘罩、OB金鐘罩、LV金鐘罩及蝗禍金鐘罩等等。呢輯擺明係想幫黑龍谷勁金鐘罩，但係幫黑龍谷勁金鐘罩呢件事，玉郎都講左十幾年……
第一男主角終於回歸，火雲邪神重返《龍虎門》，男主角魅力無窮。但係細心一諗，其實成個羅剎新章搞過D乜？新羅剎教同龍虎門搞左咁大場大龍鳳，漫記係唔知佢地為左乜……
| |
|
2013年10月11日 第274集
劍僑老師突破漫畫新境界
[ PART I ] [ PART II ]
CHERRY死左……「知唔知CHERRY點死？」
劍僑老師繼肥老師的飇畫法之後，帶出全新漫畫境界！一本漫畫幾乎可以唔需要搵人勾頭，絕對使無前例，完全係考分鏡構圖。所以星爺話：「完全見唔到樣」唔必定講緊係茄喱菲，主角都可以架！
《中華英雄》依然唔覺得好睇，雖然佢地努力推橋，但人物個性完全唔突出：華英雄唔覺係一粒天煞孤星、司徒無量亦無強者的悲壯，點搞？
謀朝簒位正式開始，第一位台主竟然係最獲好評O既馮展鵬？咁除非4名挑戰者係馬榮成、邱福龍、鄺彬強同鄭問架咋喎，否則都唔係好有機會贏。
小虎賤、小龍更賤！好彩仲有黑龍懞盛盛！
| |
|
2013年10月4日 第273集
坐館「笨」唔係咁做囉
[ PART I ] [ PART II ]
《古惑仔》
南哥係咪係失左憶, 以下做左咁多年揸FIT人, 又做過龍頭, 而家反而同靚媽埋枱都不知所措, 仲累人比人打, 做野前又要請示上頭, 攪咩呀?
《天下無敵》出左幾期宣傳, 見黎見去都只係D配角出現, 而且仲只係劍橋同龍少既畫, 咁幾時先有得見阿權既畫先?
《新著中華英雄》 兩段時間線既人物, 背境都太接近, 而且兩段故事交接時又唔明顯, 好難捉摸呀
| |
|
2013年9月27日 第272集
中咩國咩香咩港呀？
[ PART I ] [ PART II ]
即使係大陸人嚟香港旅行，都唔會話去中國香港旅行啦。一般嚟講，只有唔屬於你，你先要成日提住架啫…《龍虎門》你要瀨鞋底，唔該都瀨得好睇d丫。之前又話保衛釣魚台，保左d咩呀？對付呢d擦鞋仔，漫記亦有方法應對。
《春秋戰雄》向讀者說明咗商周時代的女性慾望解禁情況，嗱，呢d就知原始人的愛喇。
經過抽絲剝繭，咬蔗幫終於知道南哥對馬有孝之戰原來另有玄機，係同攻擊力同防禦力有關！
| |
|
2013年9月20日 第271集
親生仔不如好兄弟
[ PART I ] [ PART II ]
《新著中華英雄》
每期既跨頁都有新意思係好, 但可唔可以再做好D, 係畫面既加多D心思呢? 而家有D捉到鹿都唔識脫角既感覺囉..
《天下無敵》
人設逐漸曝光, 但故事方向仍然是個謎, 而且D主要既配角太有山寨feel啦...
《新著龍虎門》
人地好心幫你醫番個老豆, 又幫你地救埋個當家, 多謝都冇聲, 仲要下下頂到盡, 唔通掛住正義兩個字就大X晒, 就可以唔駛理咩叫家教, 咩野叫禮貌咩....
| |
|
|
